Облыс әкімі Ермек Маржықпаев UFC промоушенінде алғашқы жекпе-жегін жеңіспен аяқтаған ақмолалық спортшы Шавкат Рахмоновты құттықтады. Ол 24 қазанда Абу-Дабидегі «Бойцовский аралында» өткен жекпе-жекте Алекс Оливейраны жеңді,-деп хабарлайды «Aqmola News».
«Номад» лақап атымен танымал Шавкат Рахмонов қазақстандық спортшылардың арасынан бірінші болып әлемнің ең беделді ұйымы UFC-мен келісімшартқа отырған болатын. Ол бұған дейін M-1 Global тұжырымда 12 жекпе-жек өткізіп, бәрінде уақытынан бұрын жеңіске жеткен. Оған қоса соңғы екі жекпе-жегінде чемпиондық белбеуін қорғады.
Айта кетсек, (Ultimate Fighting Championship) – аралас жекпе-жектен әлемдегі ең беделді әрі танымал спорттық ұйым. Бүгінде UFC-дің кез келген жекпе-жек кеші әлемнің түкпір-түкпірінен жүздеген телеарна арқылы миллиондаған жанкүйер жинайтын ауқымды шараға айналған.
