Nur Otan партиясы Ақмола облыстық филиалының төрағасы, облыс әкімі Ермек Маржықпаев кандидаттардың сайлауалды бағдарламасымен танысып, лайықты деп таныған азаматтарға primaries.kz мобильдік қосымшасы арқылы онлайн дауыс берді,-деп хабарлайды «Aqmola News».
Айта кетейік, «Nur Otan» праймеризі партия лидері Елбасы Нұрсұлтан Назарбаевтың тапсырмасымен еліміздің партиялық-саяси даму тарихында тұңғыш рет республикалық партияішілік сайлау ауқымында өтіп жатыр.
Ақмола облысы бойынша 827 праймеризге қатысушы тіркеліп, ең лайықты тұлғалар үшін 36 мыңнан астам партия мүшесі дауыс беруде.
Үгіт-насихат жұмысы кезінде праймериз кандидаттарына мыңнан астам ұсыныс пікірлер келіп түскен.
