Есіл ауданындағы Московская селосындағы ауыл мектебіне «Мәншүк және К» шаруа қожалығы тұрақты демеушілік көрсетіп келеді. Кәсіпкер әйел мектеп оқушыларына барынша жағдай жасап, игілікті ісімен жұрттың алғысына бөленген, – деп хабарлайды «Aqmola News» тілшісі.
Майра ҚУАНЫШҚЫЗЫ
«Мәншүк және К» шаруа қожалығының басшылары Шәйза Әділбекова жұбайымен бірге биыл Московская селосында мектеп оқушылары үшін кең әрі жайлы асхана салып берді.
Өз ісіне жауапкершілікпен қарап, мердігерлермен жұмысты үйлестіріп, сапалы қызмет көрсеткені үшін шынайы алғысымызды білдіреміз. Игі істер ешқашан елеусіз қалмайды. Сіз білім мекемесіне материалдық жәрдем көрсетіп қана қоймай, балалардың алдағы болашаққа үмітпен қарауына жол аштыңыз. Сіздің көмегіңіз мектеп үшін аса үлкен қолдау болды. Сізге одан әрі ісіңіз берекелі болып, жасаған қайырымды істеріңіз сәттілікке жетелесін, – дейді Московское селолық округының әкімі Елена Петричко.
Демеушілік қолдау мен қайырымдылық көмектің ел ішінде көбірек болуы елдегі жақсы адамдардың көп екенін айғақтай түседі.
