Ағымдағы жылы Нұр-Сұлтан қаласының азық-түлiк белдеуін қамтамасыз ету аясында жалпы сомасы 47 млрд. теңгеге 41 жоба жүзеге асыру жоспарланған. Бұл туралы облыс әкiмдiгiнiң отырысында облыстық экономика басқармасының басшысы Қанат Дүзелбаев мәлiмдедi, деп хабарлайды Aqmola News Ақмола облысы әкімінің баспасөз қызметіне сілтеме жасап
Оның iшiнде: 4 мал бордақылау алаңдары мен асыл тұқымды репродукторларды салу бойынша; 8 сүт мал шаруашылығы бойынша; 12 еттi мал шаруашылығы бойынша; 6 ауылшаруашылық өнiмдерiн қайта өңдеу бойынша; 5 астық қоймасы мен картоп қоймасын салу бойынша; 2 құс шаруашылығын дамыту бойынша; 2 балық өсiру бойынша; 2 — суару жүйесiн құру бойынша.
«Бүгiнде жалпы соммасы 3,6 млн. теңгенң құрайтын 22 жоба iске асырылды. Сонымен қатар облыстың ауылшаруашылық тауар өндiрушiлерiмен астана базарларына 85,4 мың тонна сүт өнiмдерi, 17,2 мың тонна ет өнiмдерi, 184,2 млн. дана жұмыртқа жеткiзiлдi»,- деп мәлiмдедi басқарма басшысы.
Облыс әкiмi Ермек Маржықпаев облыстық ауыл шаруашылығы басқармасына жоспарланған мерзiмге сәйкес Азық-түлiк белдеуi аясында жобаларды iске қосу бойынша жұмысты жалғастыруды және мал басы мен ет, сүт өндiрiсiнiң өсiмiн сақтауды тапсырды.
