Ақмола облысында 248 шалғай ауылдардағы мектептер оқу жылын дәстүрлі режимде бастамақ. Бұл туралы өңірлік коммуникациялар қызметінде өткен брифинг барысында облыс әкімі Ермек Маржықпаев мәлім етті, дп хабарлайды «Aqmola News» тілшісі.
Майра ҚУАНЫШҚЫЗЫ
Жаңа оқу жылында облыста 132 мыңнан астам оқушы білім алмақ, олардың ішінде 15 мыңы мектеп табалдырығын алғаш аттамақ.
Елдегі эпидемиологиялық жағдайды ескере отырып, облыстағы 555 мектептің шалғай ауылдарындағы бала саны аз 248 мектепті штаттық режимде оқытуды жөн деп таптық. Қалған 307 білім ордасы қашықтық режимде оқытылады. Дегенмен, ата-аналардың өтініштері бойынша бастауыш сыныптарда әр сыныпта 15 оқушыдан аспайтын кезекші сыныптар жұмыс істейтін болады, – деді Ермек Маржықпаев.
Алдын ала болжам бойынша облыста 3 мыңға жуық кезекші сыныптар ашылып, онда 45 мың оқушы оқытылмақ.
