Сандықтау ауданында «Жұмыспен қамту жол картасы-2020» мемлекеттік бағдарламасы шеңберінде ауыл арасындағы жолдар жөнделуде, – деп хабарлайды «Aqmola News».
Майра ҚУАНЫШҚЫЗЫ
Бағдарлама шеңберінде ауыл жолдарын жөндеуге республикалық бюджеттен 25 миллион теңге қаражат бөлінген.
Аудан әкімдігінің берген мәліметтері бойынша қазіргі уақытта жалпы ұзындығы 16 шақырым болатын Владимировка, Богородка ауылдары арасындағы жолдар жөнделуде.
«Көптен бері жөндеуді қажет еткен ауыл жолдары биыл мемлекеттік бағдарлама арқылы жөндеудің сәті түсті. Тозығы жеткен ауыл арасындағы жолдардың тегістеліп, қалпына келтірілуі ауыл тұрғындары үшін аса қуантарлық оқиға болды. Жөндеу жұмыстарын «Сандықтау Жібек жолы» жауапкершілігі шектеулі серіктестігі жүзеге асыруда. Серіктестік қар түскенше жол учаскесін жөндеуді толық аяқтауды жоспарлап отыр», – дейді аудан әкімдігінен.
Қазіргі уақытта ауыл арасындағы жолдарға қиыршық тастар төселу үстінде.
