Эпидемиялогиялық жағдайдың қиындауына байланысты 24 маусымнан бастап Көкшетау қаласы карантинге қайта жабылды. Өңірде кеше кешкі сағат сегізден бастап 5 блок-бекет өз жұмысына кірісті,-деп хабарлайды «Aqmola News»
Блок бекеттерден арнайы рұқсаттамысы бар көліктер мен транзиттік жүк көліктері ғана өте алады.
Тәртіп сақшылары медицина қызметкерлері карантин талаптарын бақылауда ұстайды.
Облыстың санитарлық бас дәрігерінің қаулысына сәйкес барлық көлік қозғалысына шектеу қойылды. Яғни, біз «Сергек» базасына енгізілген арнайы көліктерді ғана өткіземіз. Ал, рұқсаттамасыз тәртіп бұзып кіріп шығам деушілерге 5 айлық есептік көрсеткіш мөлшерінде айыппұл салынады,-дейді Көкшетау қалалық полиция басқармасы патрульдік полиция батальонының командирі Әскербек Қасымов.
Ақмолалық полицейлер өткен тәулікте 3674 көлікті тексерістен өткізді.
