Ақмола облысында коронавирус инфекциясы бойынша ахуал күрделі болып тұр. Соңғы мәліметтер бойынша облыста 349 жұқтыру фактісі тіркелді, – деп хабарлайды «Aqmola News».
Тек соңғы екі апта ішінде ғана Ақмола облысында сипмтомды 172 адам (барлығы 457) оқиға тіркелген. Өсу көрсеткіші 52 пайызға жетті. 142 адам емдеу мекемелеріне өздері жүгінген. Бұл індет белгілері бар дертке шалдыққандардың 82 пайызын құрап, он есеге дейін артқан. Вирус жұқтыру оқиғалары Ақмола облысының барлық 19 өңіріне таралып үлгерді. Науқастардың саны жөнінен көш басында Целиноград ауданы 171 адам, Көкшетау қаласында вирус жұқтырғандар 94-ке жеткен.
Соңғы тәулікте 21 жаңа оқиға тіркелді. Облыс бойынша өсу көрсеткіші 6,4 пайызды көрсеті. Бұл Қазақстан Республикасы денсаулық сақтау министрлігімен бекітілген 7 пайыздық сыни межеге жеткенін айғақтайды. Облыста 8 адам қайтыс болды, – деді облыстың бас санитар дәрігері Айнагүл Мусина.
Елімізде барлығы 18 231 адам жұқтырған, қайтыс болғандар саны 127 адамға жетті.
