Көкшетауда карантиндік шаралардың күшейтілуіне байланысты халыққа қызмет көрсету орталықтары енді оннан төртке дейін жұмыс істейді,-деп хабарлайды «Aqmola News» «Азаматтарға арналған үкімет» мемлекеттік корпорациясына сілтеме жасап.
Ақмола облысының бас санитарлық дәрігерінің «Ақмола облысы аумағында коронавирустық инфекциясын алдын алу мақсатында карантиндік шараларды күшейту туралы» 14.06.2020 жылғы №73 қаулысына сәйкес қалалық халыққа қызмет көрсету орталықтары азаматтарды сағат 10:00-16:00 қабылдайтын болады.
«Осыған байланысты Көкшетау қаласының тұрғындары қызмет көрсету бөлімдерінде қызмет алу үшін алдын ала сағат 15:30 кезекті брондауы керек. Одан кейін брондау жарамсыз деп есептеледі. Аршалы, Астрахан және Целиноград ауданындағы ХҚО осындай режимде жұмыс істейді. Ал, басқа аудандардағы қалған бөлімдер азаматтарды 9:00-17.00 жұмыс істейді», – деді ведомствоның баспасөз хатшысы Ульяна Каранда.
