Көкшетау қаласындағы іргелі сауда орны бүгіннен бастап жұмысын қайта бастамақ. Ақмола облысы кәсіпкерлер палатасының өкілдері кіретін мониторинг жөніндегі мобильді топ нысанның тиісті дайындық актісіне қол қойды, – деп хабарлайды «Aqmola news» Ақмола облысының кәсіпкерлер палатасының баспасөз қызметіне сілтеме жасап.
Әзірге балалар ойын алаңдары жабық болмақ.
Нысанды қабылдау сәтінде барлық санитарлық-дезинфекциялық шаралар мен қызметкерлердің жауапкершілігін күшейту шаралары ұйымдастырылды. Алайда, аталған талаптар сақталмаған жағдайда ойын-сауда орталығын жабуға дейін әкімшілік шаралар қабылданады. Кәсіпкерлерді қолданылған әкімшілік шараларға түсіністікпен қарауды өтінеміз, – деді Ақмола облысы кәсіпкерлер палатасының бөлім басшысы Назым Омарова.
Сауда орталығының қызметкерлері мен сатушылары COVID-19-ға экспресс-тест тапсырған.
