Целиноград ауданында «Сабынды-Ақмол» су құбырында үздіксіз сумен қамтамасыз ету мәселесі қаралды, – деп хабарлайды «Aqmola news» Целиноград ауданы әкімдігінің баспасөз қызметіне сілтеме жасап.
Аудан әкімі Бахидбек Оспанбековтың төрағалығымен өткен жиынға құрылыс, тұрғын үй инспекциясы, коммуналдық шаруашылықтар, техникалық және қадағалау бөлімі, мердігер ұйымдар, «Целиноград су Арнасы» және «Нұра топтық су құбыры» шаруашылық жүргізу құқығындағы мемлекетті коммуналдық кәсіпорындарының басшылары мен өкілдері қатысты. Жиын барысында Оразақ, Ақмола, Қараөткел және Қаражар елдімекендерін ауыз сумен қамтуда «Сабынды-Ақмол» магистралды су құбырында қабылданған шаралар әңгіме өзегіне айналды, – деді аудан әкімдігінің баспасөз қызметінен.
Жиын қорытындысы бойынша аудан әкімі жауапты тұлғаларға орын алған кемшіліктерді тезірек жоюға тапсырма берді.
