Ақмола облысы полиция департаменті қабырғасындағы музейдің аумағы 220 шаршы метрді құрайды. Музей қорында 5600 экспонат сақтаулы. Бұл мәліметті музей меңгерушісі Амантай Ысқақова растайды,-деп хабарлайды Aqmola News.
Амантай Ысқақова 2012 жылдан бастап архивке құжаттар жинап, жыл сайын полиция ардагерлерімен, мемлекеттік орган қызметкерлерімен білім беру мекемелерімен бірлесіп түрлі іс-шаралар ұйымдастырып келе жатқанын айтады.
Экскурция кезеңінде келушілер экспонаттарды көріп қана қоймай, әр түрлі қылмыстардың қалай ашылғандығы туралы материалдарды тыңдап, тамашалай алады. Бұл әрине, құқық қорғау органдарының қызметкерлерінің батырлығы мен шынайылығын көрсетеді, сол арқылы жас ұрпақты париоттық бағытқа жетелеуге мүмкіндік береді дейді музей қызметкері.
Ведомствоның жеке музейіндегі композиялар облыс тарихында өзіндік маңызға ие. Бұл жер өңірдің маңызды оқиғаларының тынысын бүтін күйінде сақтауға болатын бірден бір сенімді орган.
Майра Қуанышқызы.
