Ақмола облысында автокөліктердің барлық түрлерінің қозғалысына рұқсат алуға өтінімдерді қарастыру автоматтандырылды. Бұл туралы Ақмола облысының кәсіпкерлік және өнеркәсіп басқармасы мәлім етті, – деп хабарлайды «Aqmola news».
Басқарманың мәліметінше www.stopcorona.kz сайты бойынша «Qorgan» жүйесі арқылы өңірдегі барлық автокөліктердің рұқсат алу өтінімдері енді онлайн түрде қарастырылады.
2020 жылдың 28 сәуірінен бастап, барлық өтінімдер «Qorgan» жүйесі арқылы қабылданатын болады.
Шағын және орта бизнеске қала немесе облыс бойынша қозғалысқа өтініш беру үшін ұйым басшысының ЭЦҚ болуы қажет. «Qorgan» жүйесі арқылы өтінім беруге қатысты мәселелер бойынша: 8 (7162) 72-31-89, 72-33-62, 72-32-07 телефондары арқылы хабарласуға болады, – деді кәсіпкерлік және өнеркәсіп басқармасының баспасөз қызметінен.
