Ақмолалық құтқарушылар Шығыс Қазақстан облысы, Бесқарағай аудандағы орман өртін сөндіруге ұшты, – деп хабарлайды «Aqmola news» Ақмола облысы төтенше жағдайлар департаментінің баспасөз қызметіне сілтеме жасап.
Таңғы 7.45-те әуеге көтерілген әлемдегі ең ірі МИ26Т тікұшағы су толтырғыш құрылғысымен Бесқарағай ауданындағы орманды шарпыған қалың өрті сөндіруге ұшып шықты. Тікұшақ бір құйғанда 10 тоннаға жуық суды бірден төге алады. Тікұшақ бортында Ақмола облысы төтенше жағдай департаменті жеке құрамының 30 сарбазы бар. Олар өртті сөндіруге тікелей жұмылдырылатын болады, – деді баспасөз қызметінен.
