Облыс әкімдігінде Ермек Маржықпаевтың төрағалығымен өткен селекторлық жиында бағыныштыларының сыбайлас жемқорлық құқық бұзушылықтарды жасағаны үшін мемлекеттік органдар басшыларының жауапкершілігі мәселесі қаралды, – деп хабарлайды “Aqmola news” облыстық ішкі саясат басқармасына сілтеме жасап.
Өңір басшысының айтуынша мемлекет басшысы сыбайлас жемқорлықпен күресте нақты басымдықтарды белгілеген. Елімізде жаңа заңмен қабылдануымен бірге жемқорлыққа қарсы күрестің жаңа кезеңі басталмақ. Алғаш рет заңнамалық деңгейде бағыныстылар үшін басшылардың жауапкершілігі бекітілген. Аталған норма Қазақстан Республикасының Президенті Қасым-Жомарт Тоқаевтың тікелей тапсырмасы бойынша іске қосылған.
Аталған заңға сәйкес А және Б корпусының әкімшілік мемлекеттік қызметшілерінің барлық басшыларына тәртіптік жауапкершілік жүктеледі.
Облыс әкімі барлық мемлекеттік органдардың басшыларын әсіресе төтенше жағдай режимі кезінде тікелей жауапкершілік арқалайтыны жөнінде ескертті. Әсіресе, бюджет қаражатын мақсатты шығындау, еңбек ұжымдарында сыбайлас жемқорлыққа жол бермеу, адалдық принциптерін енгізу сияқты мәселелер аталып өтті.
