Ақмола облысында ҚР сыбайлас жемқорлыққа қарсы іс қимыл агенттігінің Ақмола облысы бойынша департаменті мен Көкшетау қаласының мәдениет және тілдерді дамыту бөлімінің қолдауымен «Жастықтың оты жалындап» атты облыстық онлайн айтыс өтеді, – деп хабарлайды «Aqmola news».
Айтыс 23 сәуірден 9 мамыр аралығында онлайн түрде ұйымдастырылмақ. Бұл туралы Көкшетау қаласының мәдениет бөлімі хабарлады.
Айтысқа Ақмола облысы аудандары мен Көкшетау қаласының 15 жастан 35 жасқа дейінгі ақындары қатысады. Әр айтқысқа 30-40 минутке дейін уақыт беріледі. Айтыс толық бейнежазба түрінде сақталып «Көкшетау қаласы мәдениет бөлімінің фейсбук парақшасында жариялануы тиіс. Онлайн айтыс өткізудегі негізгі мақсат әлеуметтік желілер арқылы өңіріміздің дарынды жастарын елге таныту, жастардың табиғи дарыны мен қабілетінің ашылуына мүмкіндік жасау болып отыр. Жеңімпаз дауыс беру және қазылар алқасының шешімі арқылы ортақ есеп бойынша анықталады. Айтыс аяқталғанға дейін белгілі айтыс ақындары, әдебиетшілер мен ғалымдар айтысқа сараптама жасап, өз пікірлерін білдіріп отырады – деді қалалық мәдениет бөлімінен.
Айтыс жеңімпаздары арнайы дипломдармен, алғыс хаттармен және бағалы сыйлықтармен марапатталмақ.
