Көкшетауда «Қостанайшинсервис» жауапкершілігі шектеулі серіктестігінің филиалы облыстық балалар ауруханасына демеушілік көрсетіп, жедел жәрдем көліктеріне үш комплект дөңгелектер мен камераларын тарту етті, – деп хабарлайды «Aqmola news».
Медициналық мекемеге жасалған игі қамқорлық жайлы Ақмола облысының денсаулық сақтау басқармасы мәлім етті.
Біз көмек көрсету үшін жазбаша өтінішпен жүгіндік. Кәсіпорын директоры Александр Кошелев бізді қолдап, дереу қолұшын созды. Кәсіпорын ұжымына зор денсаулық, жұмыстарына табыс, экономикалық тұрақтылық пен қойылған мақсаттарына қол жеткізулерін тілейміз,- деді облыстық балалар ауруханасы бас дәрігерінің орынбасары Ризагүл Құсайынова.
