Ақмола облысының кейбір аудандарында су тасқыны басталды, – деп хабарлайды «Aqmola news» ақпарат агенттігі.
Биылғы жылы су тасу қаупі басым аудандарда әзірлік наурыздың алғашқы күндерінен-ақ басталған. Ақмола облысында Атбасар, Целиноград, Сандықтау, Шортанды және Зеренді аудандарында су тасқыны болуы мүмкіндігі алдын ала болжанған. Төтенше жағдай қызметкерлерімен өңірдің барлық аудандарында жедел штабтар құрылып, облыстық төтенше жағдай департаментінен қосымша күш пен арнайы техникалар бөлінген. Алайда, табиғаттың тосын мінезі күрт бұзылып, Сандықтау ауданының орталығы Балкашино селосының бірқатар үйлері суға кетті.
Қазір төтенше жағдай қызметкерлері мен жергілікті күш-құрылымдары су тасқынының салдарын жоюға кірісті.
