Ақмолада карантин режимі енгізілгеннен кейін тұрғындар тек азық-түлік және дәрі-дәрмек үшін ғана көшеге шығуы тиіс. Өңірлік коммуникациялар қызметінде өткен брифинг барысында Ақмола облысы әкімінің орынбасары Малғаждар Тәткеев осылай дем мәлімдеді, – деп хабарлайды «Aqmola news» ақпарат агенттігі.
-Халық қоғамдық көліктерде бұрынғыдай жүре берсе біз одан сайын коронавирус індетінің таралу қаупін ұлғайтамыз. Сондықтан, барлық қоғамдық көліктер мен такси қызметі тоқтатылады. Тұрғындар үйлерінен шықпай тек азық-түлік және дәрі-дәрмек алу үшін ғана шығуы тиіс. Ал барлық жерде дүкендер болғандықтан, баратын жерлеріне жаяу да бара алады, – деді Малғаждар Тәткеев.
