Елімізде коронавирус инфекциясының алдын алу мақсатында төтенше жағдай енгізілуіне байланысты барлық жолаушылар тасымалы нысандарында шектеулер енгізіліп жатқаны белгілі. Ақмола облысында да барлық халықаралық қатынастар уақытша тоқтатылды. Бұл туралы өңірлік коммуникациялар қызметінде өткен брифинг барысында мәлім болды, – деп хабарлайды «Aqmola news» ақпарат агенттігі.
16 наурыздан бастап барлық халықаралық оның ішінде Көкшетау қаласынан жүретін және транзиттік автобустар тоқтатылды. Нұр-Сұлтан қаласына карантин енгізілуіне байланысты 19 наурызан 21 наурызға дейін Елордадан өтетін тасымалды жүзеге асыратын 15 облысаралық тасымалды жүзеге асырушыларға билет сатуына шектеу қойылды. Ақмола облысы автовокзалынан жолаушылар ағыны болмауы ескеріліп аталған автобус қатынастары 20 наурыздан бастап тоқтатылды, – деді Ақмола облысының жолаушылар көлігі және автомобиль жолдары басқармасының басшысы Арсен Жанғасқанов.
