Ақмолада облысаралық автобус қатынасы тоқтайды

Ақмолада 31 наурыздан бастап облысаралық автобустар тоқтатылады. Бұл туралы өңірлік коммуникациялар қызметінде өткен брифингте Ақмола облысының жолашылар көлігі және автомобиль жолдары басқармасының басшысы Арсен Жаңғасқанов мәлімдеді, – деп хабарлайды «Aqmola news» ақпарат агенттігі.
Осы жылдың 19 наурызынан Ақмол, Қабанбай батыр, Рақымжан Қошқарбаев, Максимовка, Аршалы, Жалтыркөл, Софиевка, Малотимофеевка, және Шұбар қаласы елдімекендеріне қызмет көрсететін Нұр-Сұлтан қаласының қала маңы автобустары тоқтатылғаны белгілі.
Сондықтан 19 наурыздан 27 наурыз аралығында Елорда маңындағы Қосшы, Тайтөбе, Жібек жолы, Талапкер, Қоянды Воздвиженка, Қызылсуат, Ы.Алтынсарин елдімекендері қала маңы автобустарымен тасымал жүзеге асырылды. Ал 28 наурыздан бастап карантин режимінің күшеюіне байланысты қала маңы автобустары толығымен тоқтатылды. Ал өңірде 31 наурыз сағат 19.00-ден бастап уақытша карантиндік шектеу енгізілуіне байланысты тұрақты облысаралық автобус қатынасы толығымен тоқтатылады, – деді Арсен Жаңғасқанов.
Сондай-ақ, басқарма басшысының айтуынша қалааралық автобустар ерекше өкім болғанға дейін әрбір автобус 1-2 рейске дейін төмендейді. Ал қалалық қоғамдық көліктерде жолаушылар қарасы азайғандықтан, автобустар саны 30 пайызға дейін қысқартылған.