Қазақстан чемпионатында ақмолалық шаңғышылар 5 алтын, 8 күміс, 5 қола медальді қоржынға салды,-деп хабарлайды Aqmola News ақпарат агенттігі денешынықтыру және спорт басқармасына сілтеме жасап.
Щучинск қаласында ұлттық спорт шаңғы орталығында спорт мектептерінің оқушылары арасында шаңғы жарысы өткізілді.
Бұл жарысқа республиканың 8 өңірінен спортшылар бақ сынасты.
Әйелдер командасынан Надежда Степашкина 2 бірдей күміс медальді ұтып алса, Элмира Мутагарова 2 қола медаліне қол жеткізді.
Тамара Эбель де қалыспай 1 қола медальді қоржынға салды.
Ерлер арасындағы шаңғы спорты бойынша Николай Чебетько күмісті иеленсе, Дмитрий Коломеец қола медальді қанжығасына байлады.
