Көкшетаудың іргесіндегі Қопа көлі мен Қылшақты өзендерін тазартуға бағытталған жұмыс жоспары іске асатын болады,-деп хабарлайды Aqmola news ақпарат агенттігі.
Қопа көлінің тағдыры тұрғындарды талай жылдан бері алаңдатып келе жатқаны жасырын емес. Жағасы қоқысқа толып, кірден көз ашпай, жетімсіреген көлге көңіл бөлінбек. Қала әкімі Амангелді Смайловтың айтуынша аталған су қорларын тазартып, ластанудан сақтау жұмыстары кезең кезеңімен іске асырылмақ. Алдағы уақытта Қопа жағалауына дейінгі аймаққа екі жақты тротуар салынып, жарық орнатылады.
