Осындай іс-шаралардың бірі Зеренді ауданында, балалар лагері базасында өтті. Бұл күндері халықаралық тәлімгерлік нұсқаулық лагері өтті. Құтқарушылар, апаттар медицинасы орталығымен бірлесіп, жаз бойы балалармен жұмыс істейтін тәлімгерлер үшін курстар ұйымдастырды.
Тыңдаушыларға балалардың су айдындарында болуы кезіндегі қауіпсіздіктің негізгі ережелері, алғашқы медициналық көмек көрсету әдістері және суға батып бара жатқан адамды құтқару кезіндегі іс-қимыл алгоритмдері еске салынды.
Сондай-ақ, Зеренді ауданы ТЖБ өрт сөндіру бөлімінің құтқарушылары өз жұмыстары туралы айтып берді. Олар тәлімгерлерді құтқарушылардың жабдықтарымен және техникасымен таныстырды.
Осыған ұқсас оқыту демалыс сауықтыру лагерлерінің қызметкерлері үшін, сондай-ақ волонтерлік ұйымдардың басшылары мен үйлестірушілері үшін 2 МӨСБ базасында өткізілді. Екі іс-шара барысында барлығы 150 астам адам оқытумен қамтылды.
Ақмола облысы ТЖД
