Ақмолалық қос боксшы Садық Айбек 60 кг салмақта, Сайлауқазы Сымбат 46 кг салмақта Сербияның Златибор қаласында өтіп жатқан жазғы ISF U-15 Дүниежүзілік мектеп Гимназиядасында алтын жеңіп алды.
ISF U-15 – 13-15 жастағы мектеп оқушыларының жыл сайынғы спорт фестивалі. Биылғы жарысқа әлемнің 55 елінен 2500-ден астам жас спортшы қатысуда. Қазақстан құрамасынан 23 спортшы бокс, еркін күрес, шахмат және дзюдодан бақ сынайды. Оның 12-сі «Халық» қайырымдылық қорының қолдауымен жүзеге асырылып жатқан «Ауыл спорт» жобасының жеңімпаздары.
Дене шынықтыру және спорт басқармасының баспасөз қызметі.
