Көкшетауда өз қалаларын қаланы таза әрі көрікті етуге ұмтылған мыңдаған тұрғынды біріктірген ауқымды «Таза Қазақстан» акциясы өтті. Аталған акция аясындағы жалпықалалық сенбілікке мемлекеттік қызметшілер, жекеменшік ұйымдардың өкілдері, студенттер, еріктілер және тазалыққа бей-жай қарамайтын қала тұрғындары қатысты.
Жұмысты тиімді ұйымдастыру үшін қала аумағы 27 шағын учаскеге бөлініп, оларға жауапкершілік мемлекеттік мекемелер, коммуналдық кәсіпорындар, заңды және жеке тұлғалар, сондай-ақ бюджеттік ұйымдар арасында бөлінді. Іс-шараны уақтылы дайындау және өткізу үшін коммуналдық қызметтер мен басқа да қызмет көрсету ұйымдарының 50-ден астам техникасы жұмылдырылды.
Сенбілікке қатысушылар өздеріне бекітілген учаскелерді, көгалдарды, тротуарларды және аула ішіндегі аумақтарды тазартты. Қалалық инфрақұрылымның маңызды құрамдас бөлігі болып табылатын жаңбыр суы мен арықтық жолдарды тазартуға ерекше көңіл бөлінді.
«Таза Қазақстан» сияқты бастамалар экологиялық мәдениетті және қоршаған ортаға жауапкершілікпен қарауды қалыптастыруда маңызды рөл атқарады. Сенбіліктер қалалар мен ауылдарды қоқыстан тазартуға ғана емес, сонымен бірге қоғамның бірігуіне, патриотизм мен туған өлкеге деген сүйіспеншілікті тәрбиелеуге ықпал етеді. Мұндай акцияларға қатысу – әрбір адамның жайлы және қолайлы өмір сүру ортасын құруға қосқан өзіндік үлесі болмақ», – деп атап өтті ұйымдастырушылар.
Айта кетейік, қала әкімдігінің мәліметінше, акцияға 8000-нан астам адам қатысып, 7000 м³ қоқыс шығарылған.
