Көкшетау қаласында тұрғындардың белсенді қатысуымен қалалық аумақтарды дамытуға және абаттандыруға бағытталған «Халық қатысатын бюджет» жобасы ресми түрде бастау алды.
Бұл бастама бюджет процесінің ашықтығын арттырып, жергілікті бюджеттік қаражаттарды бөлуде халықтың тікелей қатысуын қамтамасыз етуді мақсат етеді.
Өтінімдер 20 қаңтардан бастап 1 наурызға дейін Көкшетау қаласының әкімдігінің ресми интернет-ресурсында қабылданады. Қолайлылық үшін сайттың басты бетіндегі «Пайдалы сілтемелер» бөлімінде «Халық қатысатын бюджет» бөлімі құрылды.
Жобаға 18 жастан асқан Қазақстан Республикасының азаматтары, қаланың тұрғындары қатыса алады. Сонымен қатар, ПИК, МИБ, ЖК, үйдің үлкендері де қатыса алады. Егер басқару органдары болмаса, пәтер иелерінің немесе көршілес аумақ тұрғындарының кемінде 50% қолы қойылған келісім парағы қоса берілуі керек.
Мемлекеттік билік немесе жергілікті өзін-өзі басқару органдарының өкілдері қатыса алмайды.
Жоба ұсыныстарына қойылатын талаптар:
- Қысқалық және мақсатқа сай болу.
- Жоба бір қоғамдық пайдаланудағы нысанды қамтуы және қаланың тұрғындары үшін өзекті болуы тиіс.
- Жобаны бюджет жылында іске асыру мүмкіндігі.
- Аулаларды абаттандыру, демалыс аймақтарын және балалар алаңдарын орнату сияқты кешенді жобаларға басымдық беріледі. Мысалы, ересек тұрғындар үшін демалыс аймағын орнату (беседка, орындықтар), оған қоса балалар ойын алаңы мен спорт тренажерлерін орнату қарастырылуы керек.
Өтінім беру үшін Көкшетау қаласының әкімдігінің ресми интернет-ресурсында «Халық қатысатын бюджет» бөлімінде тіркеліп, қажетті деректерді толтыру және жоба ұсынысын тіркеу тиіс. Жобаға шығындардың сметалық есебі, фото немесе эскиз/макет қоса берілуі керек.
Әкімдік келесі санаттар бойынша қала тұрғындарының жоба ұсыныстарымен бірге өтінімдерін қабылдайды:
- Аумақты көгалдандыру.
- Тротуарларды абаттандыру.
- Тротуарлар, пандустар, арықтарды салу және жөндеу.
- Қоғамдық пайдаланудағы орындарды құру, жөндеу және жарықтандыру.
- Бордюрларды, плиткаларды, тіреу қабырғаларын жөндеу.
- Қоқыстарды жою.
- Қоғамдық пайдаланудағы жерлерде беседкаларды, орындықтарды, урналарды және демалыс жабдықтарын орнату және жөндеу.
- Спорт және балалар алаңдарын орнату, жөндеу және жарықтандыру.
Жобаның негізгі кезеңдері:
- Өтінімдерді қабылдау: 20 қаңтардан бастап 1 наурызына дейін.
- Талдау және техникалық тексеру: 10 наурызына дейін.
- Дауыс беру: 31 наурызына дейін.
Қала тұрғындары әкімдік сайтында авторизациядан өткеннен кейін жоба ұсыныстары үшін дауыс бере алады. Әр тұрғын тек бір ұсыныс үшін дауыс бере алады. Қоғамдық кеңістікті жақсартуға көбірек адамның қатысуы үшін бір жобаға 100-ге дейінгі дауыс шегі қойылды. Яғни, 100-ден аз дауыс жинаған жоба ұсыныстары жүзеге асырылмайды.
Айлық есептік көрсеткіштің өзгеруіне байланысты жоба құнының ең аз мөлшері биыл 58 980 000 теңгені құрады.
