Целиноград ауданы Қоянды ауылындағы «Қоянды Южная» қосалқы станциясында жөндеу-қалпына келтіру жұмыстары аяқталды. Қоянды, Аққайың, Шұбар, Софиевка, Ақжар және Опан ауылдарының тұрғындарын қоса алғанда, 30 мыңға жуық абонентті электрмен жабдықтау толық қалпына келтіріліп, тұрақты схемаға ауыстырылды.
Естеріңізге сала кетейік, 2022 жылдың жазында қосалқы станцияда найзағайдың әсерінен өрт болды, ол тарату құрылғысының жиынтығын (КРУН) және трансформаторды (ТДНТ-25000/110/10-У) істен шығарды. Бұл ондаған мың тұрғынға әсер еткен электр қуатының үзілуіне әкелді. Қысқа мерзімде электр энергиясын уақытша беру ұйымдастырылды.
Мәселені шешу үшін 2022 жылы жұмыс комиссиясы құрылды, оның құрамына «АЭҮК» АҚ, «КИПЭСТ» ЖШС, Целиноград ауданының Төтенше жағдайлар бөлімі және тұрғын үй инспекциясы және коммуналдық шаруашылық бөлімі кірді. Қалпына келтіру жұмыстарына облыстық бюджеттен 700 млн.теңгеден астам қаржы бөлінді. Алайда, бірінші мердігер «ЭЛКОМ» ЖШС міндеттемелерді уақытында орындамады, бұл сот талқылауына әкелді. Нәтижесінде тапсырыс беруші шартты бұзды, ал сот мердігерден 76 млн. теңге көлемінде тұрақсыздық айыбын өндіріп алып, 209 млн. теңге сомасында авансты қайтаруға қаулы етті.
2024 жылдың қыркүйегінде қосалқы станцияны қалпына келтіру шарты жаңа мердігер — «Иртышэлектромонтаж» ЖШС-мен жасалды. Жұмыс 20 қыркүйекте басталып, 20 желтоқсанда аяқталды. Жоба аясында қосалқы станцияда 26 ұяшық және тдтн-25 жаңа күш трансформаторы орнатылып, іске қосу-жөндеу жұмыстары жүргізілді.
Целиноград ауданының әкімі Дарын Сабырғали жобаның аяқталуы Қоянды ауылы мен іргелес елді мекендердің тұрғындарын, оның ішінде әлеуметтік сала объектілерін сапалы және үздіксіз электрмен жабдықтауды қамтамасыз ететінін атап өтті.
«Бұл жоба ауданның энергетикалық қауіпсіздігін қамтамасыз етудегі маңызды қадам болды. Аудан тұрғындары жоғары сапалы қажетті қызметтерді ала алатындай инфрақұрылымды жақсарту бойынша жұмысты жалғастырамыз», — деп атап өтті Дарын Сабырғали.
Қоянды ауылының тұрғындары әкімдікке және мердігерлерге ұзақ уақыт бойы өмір сүруді қиындатқан мәселені шешкені үшін алғыс білдірді.
