«Достар» мәдениет сарайында бірде-бір концерт шығармашылық ұжым «Балақай» үлгілі балалар студиясының қатысуынсыз өтпейді.
2005 жылы құрылған балалар вокалдық ұжымы патриоттық мазмұнға, Отанға, анаға деген сүйіспеншілікке толы әр түрлі тақырыптағы әндерді орындайды. Ұжымда 6-8 және 11-14 жастағы балалардың екі тобы вокалмен айналысады.
Балалар үйірмесінің жетекшісі Еңлік Жакупова әр баламен жеке жұмыс істеп, оған өзінің білімі мен дағдыларын беріп, жас дарындылықтың шығармашылық дамуына ықпал етеді. Аталмыш ұжымның жетекшісі ән айтып, би билеп қана қоймай, музыкалық аспаптарда да ойнайды. Сондықтан ол өз жұмысында балалардың музыкалық білімін арттыруға баса назар аударып, олар үшін дәрістер, музыка сабақтарын ұйымдастырып, олармен кәсіби әртістердің концерттеріне қатысады.
Көп жылғы еңбегі және мәдениетті дамытуға қосқан жеке үлесі үшін «Мәдениет саласының үздігі» төсбелгісімен марапатталған.
Қажырлы еңбектің нәтижесінде оның тәрбиеленушілері жоғары орындаушылық шеберліктерін көрсетіп, қалалық, облыстық және халықаралық байқаулардың жүлдегерлері мен жеңімпаздары атанды. 2010 жылы «Балақай» балалар студиясы «Үлгілі» атағына ие болды, ал 2021 жылы Астанада өткен Халықаралық байқаудың Гран-приін жеңіп алды. Оның солистері бірнеше рет беделді конкурстардың дипломдарына ие болды.
Бүгінде «Балақай» өзінің шеберлігімен, балалар әндерінің жарқын орындауымен танымал, сұранысқа ие ұжымға айналды, «Достар» мәдениет сарайы ұйымдастыратын шығармашылық іс-шараларға, концерттерге белсенді қатысады.
