Велоспорттан Ақмола облысының спортшысы Чугай Андрей Париж қаласында өтетін 2024 жылғы Олимпиада ойындарына қатысуға лицензия ұтып алды.
Чугай Андрей – велотректен халықаралық дәрежедегі спорт шебері, спринт және кейрин тәртібінде өнер көрсетеді, тректегі велоспорттан Қазақстан Республикасы құрымы командасының мүшесі, жеткіншектер арасында Азия Чемпионатының екі мәрте қола жүлдегері, ҚР Жастар ойындарының жеңімпазы, жастар арасындағы Әлем чемпионатының қола жүлдегері, ересектер арасында қосдүркін Азия чемпионы, ҚР Спартакиадасының жеңімпазы, Азия ойындарының қатысушысы ел чемпионаттары мен кубоктарының бірнеше мәрте жүлдегері әрі жеңімпазы.
