Көкшетаудағы NIS-тің қазақ тілі пәнінің мұғалімі Есбол Токеев пен 6-сынып оқушысы Амангелді Абдрахманов авторлық құқыққа ие болды. Жас маман Біржан сал Қожағұлұлының шығармашылығын дәріптейтін телеграм бот ойлап топқан. Ал Амангелді құралды толық меңгеріп, ғылыми жобаларда қорғап жүр.
-Бот арқылы сал-серілік өнер тақырыбын, оның ішінде Біржан сал Қожағұлұлының шығармашылығын балаларға оңай меңгертуге болады. Бұл – сабаққа қосымша. Оқушы өзіне керек деректі сол сәтте-ақ ала алады. Мәселен, Біржан салдың өмірбаяны десе, өмірбаяны, өлеңі десе, өлеңі шығады. Цифрландыру заманында бұл аса қажет, – дейді Есбол Еркінұлы.
«Біржан сал Қожағұлұлының мәдени мұрасын ақпараттық telegram-bot арқылы насихаттау» жобасының авторлары алдағы уақытта ойын түріндегі тапсырмаларды жасауға ниетті екендерін жеткізді.
