Прокуратура органдары маңызды инвестициялық жобаларды қолдауды жалғастыруда.
Прокуратураның басым бағыттарының бірі инвесторлардың мәселелерін тиімді шешу және олардың құқықтарын қалпына келтіру болып табылады.
Осы жұмыс аясында елорда прокуратурасы кәсіпкерлер палатасының алаңында 350 жұмыс орны құрылумен құны 6 млрд теңге болатын сауда орталығын салу жобасын жүзеге асырып жатқан инвестормен кездесу өткізді.
Энергия беруші компания инвесторға ұзақ уақыт бойы электр желілеріне қосылудың техникалық шарттарын бермегендігі анықталды.
Отырыс қорытындысы бойынша мүдделі тұлғаларға нақты ұсыныстар бере отырып, кәсіпкердің түйткілді мәселесін шешу бойынша ұсыныстар әзірленді.
Нәтижесінде прокуратураның үйлестіруімен мәселе шешіліп, инвестор қажетті құжатты алды.
Инвестициялық жобаны қолдау жалғасуда және прокуратура басшылығының бақылауында.
Инвесторлардың құқықтарын қорғау мақсатында елорда прокуратурасында кәсіпкерлер мен инвесторлардың құқықтарын қорғау жөніндегі мобильді топ жұмыс істейді (байланыс телефоны: 8-747-216-15-58).
Астана қаласының прокуратурасы
