«BOLASHAQ SARAIY» спорт залында 2014-2015 және 2016-2017 жылы туған ұлдар мен қыздар арасында кик-лайт бөлімінде кикбоксингтен турнир өтті. Іс-шараның мақсаты-салауатты өмір салтын насихаттау, дене шынықтыру мен спортты дамыту, жастар арасында спорттық-сауықтыру жұмысын жақсарту, өскелең ұрпақтың есірткіге қарсы белсенді ұстанымын қалыптастыру.
Турнирді облыстық кикбоксинг федерациясы, Ақмола полицейлері, Көкшетау қаласының жергілікті атқарушы органдары ұйымдастырды.
«Нашақорлық проблемаларын тек күштік әдістермен шешу мүмкін емес, ал басты назар халықпен жұмыс істеуге аударылады, әрине, мұнда спорт басты рөл атқарады. Салауатты өмір салтын ұстану кішкентай кезінен бастап насихатталуы керек. Сондықтан біз барлық бағыттағы жас жігіттерді қолдауға тырысамыз», – деп атап өтті Ақмола облысы ПД Есірткі қылмысына қарсы іс-қимыл басқармасының бастығы полиция подполковнигі Виталий Гудыменко.
Спортшылардың жасына қарамастан, спарингтер қатал және керемет болды. Жекпе-жек аяқталғаннан кейін қарсыластар достық қол алысумен алмасты.
Жекпе-жек нәтижелері бойынша жеңімпаздар анықталып, олар бағалы сыйлықтармен және дипломдармен марапатталды.
Ақмола облысының Полиция департаменті
Сондай-ақ...оқыңыз
- Жарнама -
Ұқсас мақалалар
- Жарнама-