ҚР Президенті Қ. Тоқаев Үкіметке мектепке дейінгі оқыту мен тәрбиелеудің жоғары сапасын қамтамасыз ету үшін заңнамалық шараларды қоса алғанда, барлық шараларды қабылдау тапсырды, өйткені бұл басым міндеттерінің бірі.
Биыл өңірде 1255 орындық 17 мектепке дейінгі ұйым ашылды, оның ішінде 370 орындық 3 мемлекеттік және 885 орындық 14 жекеменшік ұйымдар бар. Осылайша, 2 жастан 6 жасқа дейінгі балаларды мектепке дейінгі тәрбиемен және оқытумен қамту бүгінгі таңда 92,3%-ды құрайды. Сондай-ақ 1426 орындық 6 балабақшаның құрылысы жалғасуда.
Тағы бір жақсы жаңалық, балабақшаларда аз қамтылған және көп балалы отбасылардан шыққан 6255 бала Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асырудың арқасында тегін тамақтануға мүмкіндік алды. Сонымен қатар, осы жылдың 1 қыркүйегінен бастап мектепке дейінгі ұйымдардың барлық педагогтарының жалақылары 30% өсті.
