Ақмола облысының әкімі Марат Ахметжанов жұмыс сапары аясында Қосшы қаласында болып, орталық қазандықтың жұмысымен, дене шынықтыру-сауықтыру кешені мен «Жанұя» емханасының құрылысымен танысты.
Қосшыдағы жылу энергиясын өндіру, тасымалдау, тарату және жабдықтаумен айналысатын «АСИ Орталық қазандығы» ЖШС 2011 жылы пайдалануға берілген.
Кәсіпорын директорының орынбасары Шоқан Ыбраевтың айтуынша, бүгінгі таңда қазандықта қуаттылығы 25 гкал/сағ
3 қазандық, қуаттылығы 500 кВт дизельдік станция бар.
«Жылу қуатын арттыру үшін жаңа қазандық жобасы әзірленді. Бүгінде шығыс 105 градус болса, қайтару температурасы 60 градус», – деді Ш. Ыбраев.
Бүгінгі таңда Қосшыда резервтік электр тарту желісі өте қажет. Әкімдік «Орталық қазандықты сыртқы электрмен жабдықтау схемасын өзгерту» жобасын әзірледі, жеке ведомстводан тыс сараптаманың қорытындысы бар. Облыстық бюджеттен қаржы бөлінді.
Өңір басшысы қолданыстағы заңнама аясында жыл соңына дейін қажетті құрал-жабдықтарды алуды жеделдетуді тапсырды.
«Бұл нарықтық баға. Ең бастысы, мердігерлер өз жұмыстарын адал атқарса болды», – деді облыс әкімі.
Сапар күн сайын 280 адам қабылдауға арналған дене шынықтыру-сауықтыру кешенінің құрылысын тексерумен жалғасты.
Қосшы қаласының әкімі Ғайдар Қасеновтің хабарлауынша, ғимаратта спорт, күрес, тренажер залдарының ішкі әрлеу жұмыстары аяқталып, спорттық құрал-жабдықтар жеткізілген.
«Бассейн мен қосалқы үй-жайлардың ішкі әрлеу жұмыстары аяқталуға жақын. Барлық сыртқы және ішкі инженерлік желілерді тарту аяқталды. Жылу және электр энергиясымен қамтамасыз етілген. Аумақты абаттандыру жұмыстары аяқталды», – деді Ғ. Қасенов.
Нысанның құрылысын аяқтау 2024 жылдың басына жоспарланған.
Марат Ахметжанов алғашқы медициналық-әлеуметтік және консультативтік-диагностикалық көмек көрсететін, стационарды алмастыратын медициналық мекеме «КСМК Жанұя» ЖШС емханасында болды.
Сапар қорытындысы бойынша облыс әкімі әлеуметтік жобаларды сапалы жүзеге асыру бойынша тапсырмалар берді.
