«Игі істер автобусы» студенттік акциясы қарт адамдарға көмек көрсетуді жалғастыруда.
Аталған акция аясында Көкшетау қаласының жоғары техникалық колледжінің шаштараз мамандығының студенттері Көкшетау қаласының №1 арнайы мектеп-интернатының оқушыларына әдемі шаш үлгілерін жасауға барды.
«Шаштараз өнерінің оқу-өндірістік орталығында біздің білім алушылар шебер-тәлімгердің жетекшілігімен қонақтарға тегін шаштараз қызметтерін көрсетті. Бұл мектеппен осындай қайырымдылық жұмыстары жылына бірнеше рет өтеді»,- деп атап өтті колледж өкілдері.
Шағалалы ауылы жоғары агротехникалық колледжінің «Ашық Жүрек» Еріктілер клубының студенттері «DONOR SAPIENS» акциясы аясында донорлыққа қан тапсырды.
Ал түскен қаражат «Балаларға қуаныш сыйла» жобасы аясында балаларға қайырымдылыққа бағытталады!
Айта кету керек, аймақ колледждерінің қызметкерлері мен студенттері «Игі істер автобусы» акциясы аясында тұрақты түрде жалғыз басты қарт адамдарға бақша өнімдерін жинауға, үй жанындағы учаскелерді жинастыруға және тағы басқа жұмыстар бойынша көмек көрсетеді.