2023 жылғы 28 қараша мен 1 желтоқсан аралығында облыстық туризм, дене шынықтыру және алғашқы әскери технологиялық дайындық орталығының ұйымдастыруымен «Айбын» облыстық әскери-патриоттық жастар жиыны өткізілді.
Жиынға жалпы білім беретін мектептерден 120 оқушы, техникалық және кәсіптік білім беру ұйымдарынан 120 студент, жалпы саны 240 қатысушылар қатысты. Команда құрамында 7 ер бала және 3 қыз баладан болды.
Мандаттық комиссияның отырысы және төрешілер алқасынан кейін алғашқы күні қатысушылар пневматикалық винтовкадан ату жарысына қатысып, мергеншілік өнерлерін көрсетті. Келесі күні ұл мен қыздар үшін Щучинск қаласының Ш.Уәлиханов атындағы әскери колледждің корпусына экскурсия ұйымдастырылды. Экскурсияда әскери қару-жарақтың, әскери техника түрлерін, әскери форма үлгілерін көріп танысты.
Соңғы тапсырма – шығармашылық байқауда командалар әскери-патриоттық әндерді орындап, театрландырылған сахналық қойылымдарды көрсетті. Байқау аясында әр команда өз еліне, Отанына, жеріне деген патриоттық сезімдерін көрсете білді.
«Айбын» облыстық әскери-патриоттық жастар жиынының жабылу салтанатына облыс әкімінің Әскери қауіпсіздік және қорғаныс мәселелері жөніндегі көмекшісі подполковник Руслан Амиржанов, Ардагерлер одағы Республикалық қоғамдық бірлестігінің Ақмола облыстық филиалының төрағасы полковник Жанат Ережепов, Ақмола облысы «Ауғанстан соғыс ардагерлері одағы» қоғамдық бірлестігінің төрағасы полковник Ыбрай Дуанбай Кәзібайұлы және т.б. қатысты.
«Айбын» облыстық әскери-патриоттық жастар жиынының нәтижелері бойынша командалық есепте:
І орын – Ж.Мусин атындағы Көкшетау жоғары қазақ педагогикалық колледжі;
ІІ орын Көкшетау қаласының жоғары техникалық колледжі,
II орын – Көкшетау қаласы;
III орын- Бурабай ауданы;
ІІІ орын – Жарқайың ауданы;
III орын – Щучинск қаласының жоғары техникалық колледжі командалары иеленді.
Жеңімпаздарға республикалық әскери жиынында сәттілік тілейміз!
