Тәртіп сақшылары балаларды психобелсенді заттардан қорғауда

Ақмола облысы ПД Есірткі қылмысына қарсы іс-қимыл басқармасының қызметкерлері Көкшетау қаласы ПБ ювеналды полиция қызметкерлерімен, сондай-ақ үкіметтік емес сектор өкілдерімен бірлесіп Көкшетау қаласының №2 жалпы білім беретін мектебінде ата-аналар жиналысына қатысты.
Әңгімелесу барысында спикерлер кәмелетке толмағандар жасаған, оның ішінде есірткіге байланысты құқық бұзушылықтар бойынша статистиканы жеткізді, оларды жасағаны үшін құқықтық салдарлар туралы айтып берді.
«Жастар мен жасөспірімдер ортасындағы есірткі тізбекті реакция сияқты таралады, ал ата-аналардың бұл мәселе бойынша білімі көп нәрсені қалайды. Нашақорлық мәселесін терең түсінбестен, ересектер оған мүлдем дәрменсіз болып шығады. Сондықтан, біздің ата-аналармен кездесуіміздің мақсаты-жасөспірімдердің жаңа буын синтетикалық препараттарын және «дәріханалық» нашақорлықты қолдану тәсілдері мен белгілері, сондай-ақ оларды қолданудың құқықтық салдары туралы білім беру. Біздің өскелең ұрпақты осы «зұлымдыққа» тартуға жол бермеу – бүкіл қоғамның міндеті», – деп атап өтті есірткі полицейі, ПД ЕҚҚІҚБ бастығының міндетін уақытша атқарушы полиция подполковнигі Құрманғожа Құсайынов.
Ағымдағы жылдың басынан бері облыс аумағында нашақорлықтың алдын алу бойынша 800-ден астам дәріс өткізілді, жалпы саны 33 мыңнан астам оқушы мен олардың ата-аналары қамтылды.