Қазіргі уақытта Ақмола облысының аумағында 130-дан астам, ал Көкшетау қаласында 35-тен астам жастар бірлестіктері мен ұйымдары бар. Олар мазмұны жағынан әртүрлі болғанымен бір бағытта жұмыс істейді.
Осыған байланысты, Халықаралық студенттер күніне орай, Көкшетау қаласының жоғары оқу орындары мен колледждерінің 1 курс студенттеріне арнап, облыстың жастар саясаты мен студенттік ортасына бейімделуге көмек көрсету, түрлі бағыттар бойынша белсенді және перспективті студенттермен жұмыс ұйымдастыру, құқықтық сауаттылықты, СӨС және қоғамдық белсенділікті насихаттау, облыстық жастар-ресурстық орталығы қызметінің жалпы жоспарын орындау мақсатында «Өз таңдауыңды жаса» атты таныстыру бағдарламасы ұйымдастырылды. Айта кету керек, аталмыш шара жыл сайын жастар орталығының ұйымдастыруымен өтеді.
Аталған іс-шараға «Kazmed Jastary» медициналық Жастар Республикалық қоғамдық бірлестігі, «Қазақстан студенттерінің Альянсы» РСҚ Ақмола облыстық филиалы, «Зияткер», «Молод» дебаттық клубтары, «Зерделі ұрпақ» жастар бірлестігі, «Думан» Ақмола облыстық педагогикалық жасағы, «Феникс» еріктілер орталығы, «The Legacy Show» би студиясы, «Аманат» партиясы жанындағы «Жастар рухы» Жастар қанатының Ақмола облыстық филиалы, «Правда» жастар клубы, «Аманат» вололнтерлік орталығы, «Aqmola breaking» брейкинг мектебі және т.б. ұйымдардың қатысуымен өтті.
Шара барысында Ақмола облысы ішкі саясат басқармасы басшысының орынбасары Кенжебаев Сабырхан Мейірханұлы студенттерге жастар саясатының дамуына атсалысуына және әрбір жастар ұйымдары мен бірлестіктерінің қатарына қосылуына шақырды.
Ол жерде әр қатысқан жастар ұйымдары өздерінің қызметтері жайлы ақпарат беріп, әрбір орталықтың мүшесі болуына ниет білдірді.
Ақмола облысы жастар-ресурстық орталығының басшысы Дастан Ермеков өз сөзінде жас адам өзіне өмірде жүзеге асыруға, өзіндік құндылық планкасын құруға көмектесетін басым құндылық ұстанымдарын, трендтерін нақты анықтауы тиіс, әр адам жеке әлеуетін, бар қабілеттерін іске асырып, қоғамның толыққанды мүшесі болуы керек екенін атап өтті.
Кеш бойы әр жастар қоғамдық бірлестіктері өздерінің атқаратын қызметтері туралы баяндап, жастардың қызығушылықтарын оятты. Студенттер арнайы ұйымдастырылған концерттік бағдарламаны тамашалады.
