Республиканың тарихы терең колледждерінің бірі 125 жылдығын атап өтеді

9-10 қарашада еліміздің сұлу жері Бурабай өлкесінде Щучинск қ. орман шаруашылығы, экология және туризм жоғары колледжінің 125 жылдығына арналған республикалық конференция өтеді. Конференциясының мақсаты: колледждің мерейтойын мерекелеу аясында өткізілетін іс-шараларды қорытындылау.
Республикалық конференция аясында 9 қараша күні экологиялық жағдайды жақсарту бойынша тәжірибелермен, идеялармен, шешімдермен алмасуға бағытталған «Бурабай Қазақстанның інжу маржаны» атты ЭкоТурВЕЅТ фестивалі өткізіледі.
Щучье – Бурабай курорттық аймағының жұмыс алаңдарында экотуризмді дамыту және танымал ету бойынша жаңа, креативті жобалар таныстырылады.
Фестивальға қатысушылар: «Қоршаған орта», «Орман шаруашылығы» бейіні бойынша Республикалық оқу-әдістемелік бірлестіктің құрамына кіретін техникалық және кәсіптік, орта білімнен кейінгі білім беру ұйымдарының арнайы пәндер оқытушылары.
Жобалау жұмыстарының бағыттары:
– ғылыми: қорық аймақтарына келушілердің табиғатты зерттеуге, далалық бақылауларды жүргізуге қатысуы;
– табиғат тарихы турлары: қоршаған ортаны білу мақсатында қорық аймақтарына бару;
– шытырман оқиғалы-белсенді демалыс тәсілі: тау туризмі, су, шаңғы, сүңгу, сондай-ақ атпен саяхаттау;
– табиғи резерваттарға, ерекше қорғалатын табиғи аймақтарына саяхат.
Ең қызықты, шынайы жобалар Ақмола облысы білім басқармасының басшысының Алғыс хаттарымен марапатталады.
Конференцияның өтетін күні: 10 қараша 2023 жылы, сағат 11-00, Бурабай ауданы, Бурабай п., «Оқжетпес» МҮ
Айта кетейік, ЭкоТурВЕЅТ фестивалінің жұмысына тәжірибелі педагогтар, табиғатты қорғау және туристік сала қызметкерлері қатысады.