Ақмола облысының әкімі Марат Ахметжанов қаланың коммуналдық кәсіпорындарының материалдық-техникалық базаларының жай-күйімен танысты.
Өңір басшысы барған алғашқы объект – «Зерен плюс 2006» ЖШС.
Өндірістік база 1986 жылы пайдалануға берілді. Аумақта әкімшілік ғимарат, гараждар, қоймалар орналасқан.
«Серіктестікте 35 мамандандырылған көлік бар. Техника қысқы кезеңге дайын, отын жеткілікті мөлшерде. Штат жасақталған, бүгінгі таңда 170-тен астам адам еңбек етуде. Кәсіпорында тәулік бойы кезекшілік ұйымдастырылды, жауын-шашын көп болған кезде бригада қарды тазартуға шығады», – деді ЖШС басшысы Тимур Жарасбаев.
«Қыс мезгілінде қарды үздіксіз тазалауды қамтамасыз ету қажет, жолдар, тротуарлар тазалануы керек. Біз кез-келген ауа-райына дайын болуымыз керек. Таза жолдар – бұл ең алдымен автокөлік, жаяу жүргіншілер қозғалысының қауіпсіздігі. Қоқысты шығаруға қатысты. Қоқыстың жиналуына жол бермеу үшін кестеге сәйкес шығару қажет. Сондай-ақ, жазғы кезеңде цистерналарды санитарлық өңдеуден өткізіңіз. Қала әкіміне келесі жылы жабық қоқыс алаңдарын толық жабдықтауды, дөңгелектердегі контейнерлерді қарастыруды тапсырамын. Көкшетау экологиялық таза және үлгілі қала болуы тиіс», – деп атап өтті облыс басшысы.
Әрі қарай Марат Ахметжанов «Көкше Тазалық» ЖШС қызметімен танысты. Кәсіпорынның негізгі қызметі – аумақты абаттандыру.
Коммуналдық қызмет басшысы Олег Топорковтың айтуынша, кәсіпорынның балансында 70-ке жуық техника бар. Кәсіпорында 123 қызметкер жұмыс істейді. 300 тоннадан астам құмтас, 20 тоннаға жуық тұз дайындалды.
Сапар қорытындысы бойынша облыс әкімі қыс мезгілінде халықтың кедергісіз қозғалысы бойынша жұмысты ұйымдастырып, кәсіпорындағы еңбек жағдайларын жақсарту, қызметкерлердің жалақысын көтеру мүмкіндігін қарастыру керектігін атап өтті.
Айта кетейік, кәсіпорын 2017 жылы құрылған. Бүгінгі таңда 66 көше учаскесіне, 22 сквер мен саябақ аймақтарына, 4 алаңға қызмет көрсетеді.
