30-31 қазан аралығында екі күн бойы Ақмола полицейлері «ODARA – ұрмыстық зорлық-зомбылық тәуекелдерін бағалау құралын қолдану» халықаралық тренингінің тыңдаушылары болды.
Іс-шараның бастамашылары ҚР ІІМ Әкімшілік полиция комитетімен бірлесіп Фридрих Эберт атындағы неміс қоры болды. Іс-шараның мақсаты – тұрмыстық зорлық-зомбылықтан зардап шеккендерге ғана емес, агрессорлармен жұмысты іске асыру мүмкіндігіне де көмек көрсету саласында мемлекеттік органдар мен үкіметтік емес ұйымдар арасында ведомствоаралық өзара іс-қимыл құру.
Жоғарыда аталған іс-шараға еліміздің барлық өңірлерінен әйелдерді зорлық-зомбылықтан қорғау жөніндегі полиция бөлімшелерінің қызметкерлері, сондай-ақ ведомстволық оқу орындарының оқытушылары, Германияның құқық қорғау органдарының өкілдері қатысты.
Ақмола облысын республикалық тренингте Ақмола облысы ПД жергілікті полиция қызметі басқармасының әйелдерді зорлық-зомбылықтан қорғау бөлімінің аға инспекторы капитан Альбина Дауенова таныстырды.
Аға инспектор өзінің алған әсерлерімен және алған жаңа білімдерімен бөлісе отырып, отбасылық агрессорлардың халықаралық типологиясы, тұрмыстық зорлық-зомбылық жағдайларындағы олардың негізгі стратегиялары және сарапшылар ODARA құралымен жүргізген практикалық жұмыстары туралы айтып берді .
Альбина Бакперовнаның айтуынша, тренингте ұсынылған тұрмыстық зорлық-зомбылық қаупін бағалау құралы күнделікті өмірде құқық бұзушылықтар жасауға бейім адамдарды анықтауға және болашақта қасақана агрессорлармен мақсатты жұмыс істеуге мүмкіндік береді.
Сондай-ақ, тренинг барысында Фридрих Эберт атындағы қор Қазақстанда Германиядан келген сарапшылармен бірлесіп ODARA тәуекелдерін бағалаудың халықаралық құралын қолдануға оқыту жүргізілетіні атап өтілді.
Халықаралық тренингтің барлық қатысушыларына курстан өткені туралы сертификаттар табысталды.
Сондай-ақ...оқыңыз
- Жарнама -
Ұқсас мақалалар
- Жарнама-