24 қазан күні Ұлттық ұлан Орталық өңірлік қолбасшылығында Республика күні қарсаңында салтанатты іс-шара өткізілді.
– Бүгінгі күнгі мейрам еліміздің Тәуелсіздік алған күнімен тұспа тұс келеді, себебі әрбір Қазақстандық азамат үшін айтулы күні егемендігіміз бен елдігіміз, баянды болашағымыздың ертеңі бейнеленген еді. Қазір еліміз көркейіп бейбіт заманның әскерилері атанып отырмыз, ата-бабамыздың қалдырған мирасына лайық болу әрбіреуіміздің еншімізде, мереке құтты болсын, деп құттықтау сөзінде тоқталып өтті өңірлік қолбасшылықтың қолбасшысы генерал-майор Сакентай Амантайұлы Шекарбеков.
Шара барысында әскерилерге тарихи видео-деректер көрсетіліп, Қарағанды қаласының Нүркен Әбдіров атындағы орта мектебінің «Жас бүркіт» әскери патриоттық сыныбының оқушылары, Қарағанды экономикалық университетінің көркем өнерпаз ансамблінің, Ұлттық ұлан 5451 әскери бөлімінің көркем өнерпаздарының концерттік бағдарламаласы көрсетілді.
Мереке соңы ұжымдық суретке түсумен тәмәмдалды.
Қазақстан Республикасы Ұлттық ұланының Орталық өңірлік қолбасшылығының баспасөз қызметі.
