Бірнеше ай бұрын Көкшетау қаласында «Таlant time » балалар жобасы бастау алды, оған білімімен, шығармашылық қабілетімен, спорттық жетістіктермен ерекше жетістіктерге жеткен 16 жасқа дейінгі балалар қатысады. Жобаны Қалалық мәдениет, тілдерді дамыту, дене шынықтыру және спорт бөлімі облыстық «Kokshe» телеарнасының қолдауымен жүзеге асырады.
Жобаның тұжырымдамасы бойынша дарынды балалар тікелей эфирде өздері туралы әңгімелеп, әдебиет пен би, сурет салу, шет тілдерін меңгеру, музыка мен ментальды арифметика және тағы басқа өнер түрлерін меңгерудегі қабілеттерін көрсетеді. Теле-шоуға 20 -дан астам бала қатысты.
«Достар» мәдениет үйінде «Таlant time» жобасының кезекті түсірілімі өтті . Дарынды балалар өздерінің вокалдық және көркемдік қабілеттерін көрсетті, ән айтып, өлең оқыды.
Олардың ішінде 6 жастағы Жетібай Айлара әдемі ән айтып, би билеуді ұнатады, «Shabyt» білім және шығармашылық орталығына қатысады. Ұйымдастырушылар оған жобаға қатысқаны үшін «Tiem таланты» медалін және естелік сыйлығын табыс етті.
