Қазақстан Халық партиясының Ақмола облыстық филиалы мен жеке кәсіпкер Венера Исақанова халықтың әлеуметтік жағынан осал топтарына көмек көрсету игі миссиясына жұмыла кірісті. Бүгінгі күні Көкшетау қ., көш. Елемесова 47, «Әлеуметтік сөре» атты маңызды әлеуметтік жоба іске қосылды.
Бұл тамаша әлеуметтік акцияның мақсаты – партияның облыстық филиалы төрағасының орынбасары Арман Тастамбеков атап өткендей, шын мәнінде мұқтаж жандарға қолдау көрсету. «Әлеуметтік сөре» жобасы аясында әр сәрсенбі сайын азаматтар растайтын құжатты көрсеткеннен кейін ең қажетті азық-түлік өнімдерін тегін ала алады, ал жұма күні оларға тегін нан беріледі.
Бұл бастаманың ерекшелігі – қамқор кәсіпкерлер мен азық-түлік дүкендерінің иелеріне үндеу: Арман Тастамбеков оларды «Әлеуметтік сөрені» азық-түлік өнімдерімен толықтыру арқылы осы игі миссияға қосылуға шақырды. Осылайша, әрқайсымыз шынымен мұқтаж адамдарға көмектесу үшін аз ғана үлес қосу арқылы әлемді мейірімді ете аламыз.
Бұл жоба ынтымақтастық пен әлеуметтік жауапкершіліктің маңыздылығын көрсетеді. Ортақ күш-жігер мен адалдық талай адамға пайдасын тигізеді және бұл игі бастаманы «Әлеуметтк сөреге» үлес қоса алатын әрбір адам қолдайды деп сенеміз, себебі «Біз -Бірге мықтымыз!».
