Ақмола облысында мұғалімдер күні атап өтілді

Облыс орталығында мұғалімдер күніне арналған салтанатты іс-шара өтті.
Шара «Болашақ сарайы» сарайында өтті, онда өңірдің ең ұлағатты, жауапты кәсібінің 400 өкілі жиналды.
Құттықтау сөзінде Ақмола облысының әкімі Марат Ахметжанов жастарды тәрбиелеудегі педагогтың ерекше рөлін атап өтті.
«Өз Жолдауларының бірінде ел Президенті Қасым-Жомарт Кемелұлы Тоқаев прогрестің қозғаушы күші екенін атап өтті. Ұстаз еңбегінің қыр-сыры мол, қиын да жауапты қажырлы еңбек екендігін баршамыз білеміз. Қай кезде болмасын тәлім мен тәрбие беру – ең ұлы мұрат. Сондықтан Сіздер үшін мемлекет барлық жағдай жасап жатыр», – деп атап өтті Марат Ахметжанов.
Облыс әкімі өңірдің білім беру саласын дамыту бойынша жүргізіліп жатқан ауқымды жұмыстар туралы және өзекті мәселелердің қалай шешілетіні туралы хабардар етті.
Атап айтқанда, үш ауысымды білім беруді қысқарту және апатты мектептерді жою мақсатында жаңа оқу жылында бес жаңа орта білім беру нысаны ашылды. «Жайлы мектептер» ұлттық жобасы аясында Қосшы, Көкшетау қалаларында, Целиноград және Аршалы аудандарында екі жыл ішінде 18 заманауи мектеп салынады. Сонымен қатар, облыстық бюджет есебінен 9 жаңа құрылыс жүргізілуде.
Сондай-ақ, өңір басшысы ел Президентінің тапсырмасы бойынша білім беру процесін толық цифрландыру бойынша Цифрлік даму, инновациялар және аэроғарыш өнеркәсібі министрлігімен бірлесіп 2024-2027 жылдарға арналған Ақмола облысының елді мекендерінің интернет желісіне және байланысына сапалы қолжетімділікті қамтамасыз ету бойынша Жол картасы әзірленгенін ерекше атап өтті.
Осы жылдың 1 шілдесінен бастап аз қамтылған және көп балалы отбасылардан шыққан төрт мың бала балабақшаларда тегін тамақтану ұйымдастырылды. 1 қыркүйектен бастап облыстың бастауыш мектептерінің 58 мыңнан астам оқушысы ыстық тамақпен қамтылды.
Іс – шара барысында педагогикалық кәсіптің үздік өкілдеріне-ҚР Премьер-министрінің грамоталары, ҚР Білім Министрлігінің «Еңбек ардагері» медалі, «Қазақстан Республикасының Білім беру ісінің құрметті қызметкері» төсбелгісі, 2 млн.760 мың теңге және 1 млн. 725 мың теңге мөлшеріндегі сомасында ақшалай сертификаттармен «Педагогтің кәсіпқой рөлі үшін» және «Педагогтің адал еңбегі үшін» құрметті атағы берілді.
​Бірқатар облыс педагогтары мен Көкшетау қаласындағы Назарбаев Зияткерлік мектебінің, сондай-ақ университеттердің қызметкерлері Ш. Уәлиханов және А. Мырзахметова облыс әкімінің алғыс хаттарымен марапатталды.