Қарттар күніне орай Ақмола облысы бойынша Мемлекеттік кірістер департаментінің қызметкерлері зейнеткерлерге мүлік, жер және көлік салықтарын төлеу бойынша түсіндіру жұмыстарын жүргізді, деп хабарлайды Ақмола облысы бойынша Мемлекеттік кірістер департаментінің баспасөз хатшысы Нұрлан Ысқақов.
Бөлім басшысы Шынар Мусина кімдер мүлік салығын төлеуден босатылатынын және жеңілдіктерге құқығы бар екенін айтты.
Мүлік салығы 2022 жылға төленеді.
Сонымен жеке тұратын зейнеткерлерге салықтан босату қарастырылған, егер оларда мыналар болса:
- тұрғын үй және оған қоса салынған құрылыстары бар жер учаскелері;
- шаруашылық жер.
Бұл ретте жеңілдік барлық жылжымайтын мүліктің жалпы құнының 1000 еселенген АЕК (2022 жылға 3 063 000 теңге) құны шегінде қарастырылған. Көрсетілген сомадан жоғары қалған мүлік үшін сіз мүлік салығын төлеуіңіз керек.
Мүлік салығын төлеуден босату «Батыр ана» атағын алған немесе «Алтын алқа» алқасымен марапатталған көп балалы аналарға, егер оларда:
- тұрғын үй ғимараты, оның ішінде оған бекітілген құрылыстары бар жер учаскесі;
- іргелес жер болса.
Олар үшін де жеңілдік барлық жылжымайтын мүліктің жалпы құнының 1000 еселенген АЕК (2022 жылға 3 063 000 теңге) мөлшерінде қарастырылған.
Сонымен қатар мүгедектігі барлар мүлік салығынан босатылады, егер оларда мыналар болса:
- тұрғын үй ғимараты және оған бекітілген құрылыстары бар жер учаскесі;
- іргелес жер;
- жеке шаруашылық (қосалқы) шаруашылығы, бағбандық және саяжай құрылысы үшін берілген жер учаскесі, оның ішінде ғимараттар алып жатқан жер;
- гараждар алып жатқан жер.
Аталған мүлік барлық жылжымайтын мүліктің жалпы құнының 1500 еселенген АЕК (2022 жылға 4 594 500 теңге) мөлшерінде салық төлеуден босатылған.
Салықты төлем терминалдары, екінші деңгейлі банктердің онлайн қосымшасы арқылы, E-Salyq Azamat мобильді қосымшасында (AppStore және PlayMarket-те бар) төлеуге болады.
Шара барысында қойылған сұрақтарға сауатты жауаптар берілді.
