Марат Ахметжанов өңірдің өнеркәсіп орталығына жұмыс сапары аясында «Пригородный» шағын ауданының аула аумағын абаттандырумен танысты және тұрғындармен кездесті, – деп хабарлайды облыс әкімінің баспасөз қызметі.
Қала әкімі Алпысбай Қайыржановтың айтуынша, балалар алаңы тұрғындардың өтініші бойынша жөнделді. Сондай-ақ, спорт алаңы, футбол алаңы салынды, асфальт төселді.
Қала тұрғындары атқарылған жұмыстары үшін алғыс білдіріп, облыс басшысына өздерін толғандыратын, оның ішінде шағын аудандағы жолдарды жөндеу және Азат ауылына шығу, электрмен жабдықтау, маршруттық автобустардың қозғалысы, автобус аялдамаларын орнату, стадионды жөндеу және басқалар жөнінде сұрақтар қойды.
Марат Ахметжанов әрқайсысын тыңдап, сапардың мақсаттарының бірі – проблемалық мәселелерді анықтау екенін атап өтті.
«Бірден бәрін жасай алмаймыз, біртіндеп жасаймыз. Бірінші кезекте жылумен жабдықтау және басқа да негізгі мәселелерді шешу қажет», – деп атап өтті облыс әкімі.
