Жасөспірім Ақмола облысы полиция департаменті қызметкерлерінің Сары Арқа ауданы полиция басқармасының әріптестерімен белсенді өзара іс-қимылының арқасында табылды.
Естеріңізге сала кетсек, жасөспірім қыз ағымдағы жылдың 4 сәуірі күні сағат 16:00 шамасында үйден кетіп қалған. Жоғалған кәмелетке толмағанды іздестіруге Көкшетау қаласы полиция басқармасының жеке құрамы, берілген күштер, жұртшылық пен еріктілер бағытталды.
Жедел-іздестіру іс-шаралары барысында қыздың белгілері бар бағдарды Whats app мессенджерінің көмегімен аумақтық бөлімшелердің қызметкерлері белсенді түрде таратып, чаттарға ақпарат жіберді. Ағымдағы жылдың 7 сәуірінде қызды елорданың полиция қызметкерлері елордалық мекемелердің бірінде көріп, бұл туралы ақмолалық әріптестеріне хабарлады.
Қазіргі уақытта кәмелетке толмағанның өмірі мен денсаулығына қауіп төніп тұрған жоқ. Болған оқиғаның мән-жайын анықтауға бағытталған іс-шаралар кешені жалғасуда.
