1 қыркүйектен бастап колледждерде мемлекеттік тапсырыс бойынша оқитын студенттердің стипендиясы 50%-ға көтеріледі. Бұл туралы ҚР Оқу-ағарту министрлігі хабарлады.
Министрліктің мәліметіне сүйенсек, шәкіртақысы өсетін студенттер саны 250 мыңнан асады. Орта буын мамандықтары үшін стипендия мөлшері 20 948 теңгеден 31 422 теңгеге дейін, жұмысшы мамандықтары бойынша 21 787 теңгеден 32 681 теңгеге дейін артады. Ал, келер жылы шәкіртақы көлемі 100% өспек.
Еске сала кетейік, стипендияның артуы Мемлекет басшысының сайлауалды бағдарламасында айтылған еді.
Фото: astana1life.kz
